:: وطني حبيبي ::

أكيد نصكم بيقول (( أحلى أحمد ايش عندك؟؟؟ ويش هالحب اللي طلع فجأة؟؟؟ )) لكن صدقوني الواحد ما يعرف قيمة وطنه الا اذا فارقه لي الحين في ايطاليا حول ٣ شهور (( عرفت ان الله حق )) خلوني أشرح ليش وحدة وحدة

١. الصلاة :

هذي النعمة اللي فقدتها من جد نفسي أسمع الأذان خمس مرات نفسي أصلي في المسجد وبعد الصلاة أشوف الشباب متجمعين وأسولف معهم الله متعه لكن الوضع الحالي عكس بقوة …. كل ساعة تقريبا تدق أجراس الكنايس حقتهم (( طن طن طن طن طن )) طنطن الله روسهم .. والصلاة اذا صدف وطلع واحد من الشباب معك احمد ربي لاني بصلي جماعة طبعا ما في الا مسجد واحد في المدينة وبعييد عني ايييي الله عليك يا جامع الحمرا والله لك وحشة.

٢. الأكل :

قبل ما أسافر كانت الوالدة (( الله يحفظها )) تسألني ايش ودك تاكل اليوم ؟؟؟ مشتهي كبسة ؟؟ مفلق ؟؟؟ رز حساوي ؟؟؟ وانا متكبر لا ما ودي مشكورة وفي نفسي اقول الحين بروح ايطاليا وبدق في هالبيتزا والباستا اممممممممم مالت علي والله ما أقول الا (( الله يكرم النعمة )) وينك يالوالدة تشوفين ولدك ايش قاعد ياكل  حاجة (( disaster )) كل الاكل اللي عندهم اما فيه خنزير اعزكم الله او اذا كلش كلش رشوه بخمر وبعد البحث والتحري والاستعانة بصديق طلعنا بثلاث خيارات فقط محل شاورما ماكدونالدز واكتشفنا بعدين انهم يحطون خمر بالخبز وفيه مطعم ايطالي يعتبر مقبول والله يازينك وطني من كثر الأصناف تحتار ايش ودك تاكل الحمد لله على كل حال.

٣. الشعب :

بما أني حساوي ومعروف ان الحساوية ما يحبون الظلم أبد أحب أصف الطليان بأنهم شعب غبي متخلف قديييييم عقولهم عبارة عن طاولة خشب تيك من العصر الجوراسي واحد من الشباب طلع مع أحد الدلالين يدور بيت جاب له بيت متحف مو بيت قدييييييييييم جدا لا ويقول هذا البيت قتل فيه واحد مشهور يعني هو عبارة عن مشروع مقبرة فاشل وفي الشغل طلبت من أحد الطليان مستند أحتاجه جاب لي مستند مكتوب باللغة الالمانية ما أدري احد قاله اسمي مرسيدس النعيم؟؟؟؟ والطليان شعب صعب التعامل معهم لاهم يعرفون انجليزي ولا حتى بالاشارة وكل هذا عشان اعتزازهم بلغتهم من زين لغتهم يعني منديل بالايطالي (( تيفليولي ديكارتا )) اتحدى احد يقول لها مرة وحدة وعندهم حب للكلاب اعزكم الله عجيييييب وحدة من السكرتيرات كان عندها كلب ومات وجات توريني صورته عاد خويكم عياااار صرت اطالع الصورة واقول (( انت كلب )) وتعصب ليش تقول عنه كذا ؟؟؟ أنا احبه ؟؟؟ شوي وتصيح اقولها هذا كلب وتزعل ما ادري لو واحد من عيالها مات بتسويله كذا ولا لا اشك الصراحة.

نصيحة : لا أحد يفكر يطلع من ديرته أبد الا اذا كنت ناوي تروح لماليزيا ماليزيا استثناء يا حبي لك يا بعد عمري ياليت العالم كله ماليزيا ههههههه

Advertisements

~ بواسطة ahmedsn في أبريل 27, 2010.

3 تعليقات to “:: وطني حبيبي ::”

  1. المشكلة إن الواحد لما يطلع من ديرته، فيكون هذا لمصلحة مستقبلية راجحة في الغالب!

    الله يكون في عون كل مغترب..

    وكل عام وأنت بخير..

  2. الســـلام عليــكم ورحمــة اللــه وبركــاته ..

    صااااااااادق الــواحـد ما يعـرف قيــمة الشئ إلا إذا فقــده..!

    اللــه يـديــم الآمــن والآمــان عليــنا ..

    عندي طلب صغيروووووووون أخـوي / بس لو تكبر الخط وتغير لون

    الخلفية ..عيوووني راحت فيهاااا (^_^)

    وفقكـ اللــه..

  3. ايه ماليزيا حكاية بس حتى ماليزيا تحس بالغربة لازم، يعني بإختصار مثل ديرتنا ماتحصل ((السعودية )) احبـــــــــــــــــــك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
%d مدونون معجبون بهذه: